Monday, November 4, 2013

കവിത : ഞാന്‍ കാത്തുകൊണ്ടിരിക്കുന്നത്


സ്നേഹത്തിന്നഗ്നി-
യിന്നണഞ്ഞില്ലാതായ്
വിദ്വേഷത്തിന്നന്ധകാര-
ത്തിലെക്കവയൂളിയിട്ടു.

സൌഹൃദമാം
സത്യത്തിന്‍ മൂല്യ-
മറിയാത്ത ലോകത്തി-
നിനാമെങ്ങിനെയാണ് 
പ്രണയത്തിന്‍ മാധുര്യ-
മറിയുന്നത് ?

കുസൃതിച്ചെപ്പുകള്‍
മാത്രം കൈമുതലാമണു-
വിനോളമഹന്തപോലു
മില്ലാത്തകുരുന്നുകളെ-
യവര്‍ ചുടുചോരയില്‍ 
മുക്കി രോഷം തീര്‍ത്തു !

പകയുടെ തിമിരം 
ബാധിച്ചവരുടെ കണ്ണുകളില്‍
ക്രൂരതയുടെ കണ്ണട
വെച്ചിരിക്കുന്നു !

ഈ കൂരിരുട്ടിലും,
സമാധാനത്തിന്‍ 
കൈവിളക്കിനൊരു 
തിരികൊളുത്താന്‍
അനീതിക്കുമുന്നില്‍
നെഞ്ചുറപ്പോടെ വിറ-
ക്കാത്ത കൈകളുയര്‍ത്താന്‍
പ്രലോഭനങ്ങള്‍ക്കടിമപ്പെട്ടു
ഞെരിഞ്ഞമരാത്ത
യൊരവതാരമിനിയേതി-
രവിലുംപകല്‍ലിലു- 
മാണുയര്‍ത്തെഴുന്നെല്‍ക്കുക ?

ഞാന്‍ കാത്തിരിക്കുന്നു

2 comments:

  1. നല്ല വരികള്‍ . ഈ പ്രതീക്ഷ ഒരിക്കലും അസ്തമിക്കാതിരിക്കട്ടെ..

    ReplyDelete