Thursday, January 23, 2014

പൊന്‍പുലരി



ഒരായിരം സ്വപ്നങ്ങളി-
ലായുണരുമീ കാലത്തില്‍
ഒലിവിലകള്‍തന്‍കൊക്കി-
ലിറുക്കിപ്പറവകളായ്
നാമിരുള്‍ മൂടി മൂകമാമീ
ലോകത്തിലുയരങ്ങള്‍
താണ്ടി  ചിറകടിച്ചുയരുന്നു

 തെറ്റിന്നന്ധകാരം
വീണമണല്‍തരികളില്‍
പുതു പ്രതീക്ഷകളിലായ്
കനിവിന്നണയാത്ത
ജ്വാലാഗ്നിയായ്
സ്നേഹത്തിന്‍ വറ്റാത്ത
തെളിനീര്‍കണങ്ങളായ്
സമത്വത്തിന്നസ്തമിക്കാത്ത
പൊന്‍ കിരണങ്ങളാ-
യുദിച്ചുയരുന്നു നാം

കാലങ്ങളനവധിയലിയി-
ച്ചോടും ചരിത്രത്താളുകളില്‍
വീണ്ടെടുപ്പിന്‍  വിപ്ലവങ്ങള്‍
പുന: സൃഷ്ടിക്കും നാം

വിവേചനത്തിന്‍ വേലി-
ക്കെട്ടുകളൊന്നൊന്നാ-
യടര്‍ത്തിയൊരുമയെ-
ന്നേകമരമൊരുവേരിന്‍
തുമ്പുപോലും നശിക്കാതെ 
നട്ടുവളര്‍ത്തും  നാം

കപടലോകത്തിന്‍ മൂടുപട-
ങ്ങള്‍ക്കുള്ളിലായിരുള്‍വീണ
 പാതയോരങ്ങളില്‍ സത്യത്തിന്‍
 റാന്തല്‍വിളക്കേന്തും നാം

കാലങ്ങളേറെക്കഴിഞ്ഞാലും
മണ്ണിന്‍ ഹൃദയസ്പന്ദനമായ്
മായാത്ത കാല്‍പാടുകളി-
ലൂടെയൊഴുകുമീ വറ്റാത്ത
യരുവി പോല്‍ പ്രസ്ഥാനം
 പൊന്‍ പുലരിയെന്‍ പ്രസ്ഥാനം !

1 comment:

  1. കപടലോകത്തിന്‍ മൂടു-

    പടങ്ങള്‍ക്കുള്ളിലായിരുള്‍

    വീണ പാദയോരങ്ങളില്‍

    സത്യത്തിന്‍ റാന്തല്‍വിളക്കേന്തും നാം
    നല്ല വരികള്‍
    അക്ഷരത്തെറ്റുകള്‍ തിരുത്തുക..

    ReplyDelete